Këngëtari, njëherësh edhe kryetari i degës së AKR-së në qytetin e Ferizajt, Labinot Tahiri është befasuar jo pak ditën e sotme.
Labi ka marrë një mirënjohje nga një kolegj në Amerikë për kontributin e dhënë për popullin e tij.
Ndonëse nuk thellohet në detaje, letra që e ka ndarë për publikun vjen nga Akademia Ndërkombëtare e Shkencave Sociale me bazë në Florida.
Aty thuhet se titulli ‘Akademik nderi i Shkencave Sociale’ është dhënë bazuar në kontributin e këngëtarit në sferën akademike dhe atë sociale.
Tutje, ky titull potencohet se është nderi më i lartë i kësaj akademie dhe poseduesi mban privilegjet e barabarta me ato të një profesori që ligjëron në kohë të plotë.
Në postimin e bërë, Labi ka treguar se lajmin e ka marrë përmes një telefonate teksa vendimi daton që prej 1 Marsit, siç edhe potencohet në shkresën e sekretariatit të kësaj akademie. /Prive.al/
