Ashtu si shumë antarë të familjes mbretërore para saj, Meghan Markle po dërgon një mesazh të qartë përmes zgjedhjeve të saj të veshjeve, dhe ajo është duke promovuar një çështje afër zemrës së saj: modën e qëndrueshme.
“Sytë e botës janë vazhdimisht te familja mbretërore, kështu që është shumë domethënëse që Dukeshka ka përqëndruar veshjet e saj në modën e qëndrueshme,” tha Sarah Staudinger, bashkëthemeluese e STAUD.
Ajo është stilistja që qëndron pas veshjes së najlonit të ricikluar të Meghan të veshur në turneun e saj të Afrika.
Staudinger u shpreh se: “Ne jemi të nderuar që ajo zgjodhi të veshë një fustan nga marka jonë.”
Meghan zgjodhi veshjen e markës “Millie” të Los Angeles për vizitën e saj në Xhaminë Auwal me Princin Harry javën e kaluar.
Ajo kishte veshur një fustan ngjyrë ulliri të gjatë, të kombinuar me një shami krem, fustani nuk ishte vetëm në pamje elegant, por ishte edhe i mirë për mjedisin (pasiqë ishte i bërë tërësisht nga najloni i ricikluar).
Ajo po u tregon vajzave dhe grave se është e bukur të jesh i vetëdijshëm për mjedisin tonë dhe se ju mund të bëni zgjedhje që mund të bëjnë ndryshime.
Burimi: People.com
