Ai është njëri ndër karakteret më të njohura të kinematografisë botërore.
Mbreti i Natës apo Mbreti i të Vdekurve në serialin Game of Thrones, ka një famë ndërkombëtare megjithatë, aktori që e luan rolin e tij, nuk është po aq i famshëm sa karakteret e tjera të serialit.
Por rolin e tij e luan Vladimir Furdik i njohur me nofkën Furdo. Ai është 49 vjeçar dhe vjen nga Sllovakia e Europës, ndërsa shërben në filma si “stuntman” – që i bie të jetë në vend të aktorit të vërtetë në skenat e rrezikshme.
Ai ka luajtur edhe në filmin Skyfall dhe Robin Hood, ndërsa para se Furdik të luante rolin e King of the Night, atë e kishte luajtur Richard Brake.
