Dizajneri dhe sipërmarrësi italian i modës Nino Cerruti ka vdekur në moshën 91-vjeçare, sipas një deklarate te biznesit familjar italian Lanificio Fratelli Cerruti.
Ai vdiq në spitalin në Vercelli, Itali, ku u shtrua në spital për një operacion në kofshë, raportoi të shtunën dega e CNN SkyTg24.
“Për familjen, miqtë, bashkëpunëtorët dhe punonjësit e Lanificio Cerruti dhe gjithë botën e modës italiane, sot është një ditë shumë e trishtuar, për shkak të vdekjes së Signor Nino-s”, thuhet në deklaratën e kompanisë Lanificio Fratelli Cerruti të postuar në Facebook.
“Ne kemi humbur një njeri me talent, një stilist të jashtëzakonshëm, një njeri para kohës së tij dhe një mentor të mrekullueshëm, të cilit shumë njerëz i detyrohen kaq shumë”, thuhet në deklaratë.
Cerruti, i cili lindi në Biella, një nga qendrat kryesore të tekstilit të Italisë, ishte një figurë kyçe në industrinë ndërkombëtare të modës, i respektuar dhe i njohur për elegancën, mirësinë dhe sjelljet e tij.
