Bob Dylan ka njoftuar se do ta publikojë albumin e tij të ri me tekste të veta, tetë vjet pas atij të fundit të cilin e kishte realizuar më 2012.
“Rough and Rowdy Ways” është titulli që albumi do ta bartë e që do të dalë në shitje më 19 qershor të këtij viti. Ky album vjen pas tri albumesh me koverë “Shadows in the Night” (2015), “Fallen Angels” (2016() dhe “Triplicate” (2017).
Dylan, i cili më 2016 fitoi çmimin Nobel për Letërsi, albumin e fundit me këngë të shkruara nga vetë ai e kishte realizuar më 2012, “Tempest”.
Dy nga këngët e albumit të ri veçse janë publikuar në javët e fundit, “Murder Most Foul” dhe “I Contain Multitudes”.
Ndërkaq tani ai e ka realizuar këngën e tij të tretë nga ky album, të ciën e ka titulluar “False Prophet”.
