Babai i Rihanna-s, Ronald Fenty testoi pozitiv për koronavirusin në vendin e tij të lindjes në Barbados, por tani ka mposhtur COVID-19 falë ndihmës së superyllit.
“Vajza ime Robyn kujdesej për mua çdo ditë,” tha Fenty, 66 vjeçar, për The Sun. “Mendova se do të vdisja për të qenë i sinqertë. Më duhet të them, të dua shumë, Robyn. Ajo bëri shumë për mua. Vlerësoj gjithçka që ajo ka bërë.”
Sipas babait të saj, këngëtarja dërgoi një ventilator në shtëpinë e tij në Karaibe dhe i dha atij “më shumë se sa duhet” për të luftuar sëmundjen që e la të ndjehej i dobët dhe i frikësuar për jetën e tij.
“Mu ngrit një ethe brenda hundës. Pata ethe nëpër buzë. Kisha shumë ethe,” zbuloi Fenty. “Kisha frikë nga më e keqja. Mendova se do të vdisja, sinqerisht. ”
Dy javë pasi u karantinua në Qendrën e Izolimit Paragon, Fenty u shpall i shëruar nga virusi. Tani ai po pushon në shtëpinë e tij në Shën James.
“Unë dua që të gjithë të qëndrojnë në shtëpi. Kjo është një situatë e rëndë, ” tha Fenty për publikun. “Më serioze sesa njerëzit e kuptojnë. Ju lutemi qëndroni në shtëpi.”
Burimi: PageSix
