Mbrëmë në HBO është shfaqur episodi i tretë i sezonit të tetë të serialit më të ndjekur në botë Game of Thrones.
Madje mund të thuhet se ky ishte episodi më i pritur i gjithë historisë së serialit, që gjithsejtë ka tetë sezone.
Fansat e Game of Throne kanë pritur shumë gjatë për një betejë si kjo, që është beteja më e gjatë e xhiruar ndonjëherë në historinë e kinematografisë botërore. Ka pothuajse mbi 30 minuta luftime intenzive.
![Image result for arya game of thrones](https://imgix.bustle.com/uploads/image/2019/4/29/f69ca59e-8b8e-4d2b-b45d-adb902a3b847-maisie-williams-as-arya-stark-in-game-of-thrones-season-8.jpeg?w=1200&h=630&q=70&fit=crop&crop=faces&fm=jpg)
Ajo që Prive ua sugjeron kosovarëve që ende s’e kanë parë, është ta shohin serialin në mbrëmje apo në ndonjë vend të errët sepse i tërë episodi është i xhiruar në hapësira të errëta.
Një lajm i mirë: Pothuajse të gjithë personazhet e juaja të preferuara shpëtojnë.
Përvec Sir Jorah, Theon Greyjoy dhe Mbretit të Natës që në fund të serialit, vdes.
Luftimet e njëpasnjëshme në fushëbetejën e veriut apo Winterfell janë ekzaltuese, në çdo moment pritet të vdes dikush.
Por fare në fund, është Arya ajo që e vret Mbretin e Natës në mënyrën më të mahnitshme që keni mundur ta paramendoni.
Ajo e shpëton edhe vëllain e saj Bran, i cili e ka jetën në rrezik nga Mbreti i të vdekurve, që arrin t’i ngjallë po ashtu pothuajse të gjithë ushtarët e rënë në luftë duke i kthyer të gjitha luftimet në zero.
Megjithatë në momentin që Arya vret Mbretin e Natës me armën e saj prej celiku valerian, e gjithë ushtria e tij zhduket dhe shndërrohet në hi. /Prive.al