Këngëtari Art Abazi njihet si pasionant i natyrës.
Ai gjithmonë gjen kohë që me biçikletën e tij t’i dedikojë të paktën një orës daljes në natyrë, detaj nga i cili nuk ka mundur të shkëputet as në karantinë.
Arti është shfaqur me bicikletën e tij në Gërmi, përkundër vendimit të Qeverisë për mbylljen e të gjitha parqeve publike si masë për të frenuar përhapjen e pandemisë COVID-19.
Duket se këngëtari e ka shijuar aq shumë Gërminë e zbrazët e të paprekur sa ka ndarë pamje edhe me ndjekësit e tij në Instagram, përkundër mesazhit jo të duhur që mund ta ketë dhënë në këtë rast duke thyer rregullat e vendosura nga institucionet.
Kujtojmë se në planin profesional, pas hyrjes në PINT shumë shpejt priten të tjera projekte muzikore nga Arti i cili me muzikën e tij i ka qëndruar besnik identitetit dhe vlerave që transmeton, që prej ditës së parë të debutimit në diskografinë shqiptare./Prive.al
