Në gusht të vitit që lamë pas, përmbylli ciklin e tij tejet të suksesshëm emisioni “NIN” në Klan Kosova, që shoqëroi shikuesit për gjashtë sezone rresht.
Nga ajo periudhë, moderatori Alaudin Hamiti ka qenë më i angazhuar prapa kamerave në pjesën drejtuese të ArtMotion dhe Klan Kosova.
Mirëpo, pa shumë zhurmë, puna për projekte të reja duket të mos ketë munguar.
Këtë e ka lënë të nënkuptohet Alaudini në disa postime në InstaStory, në bashkëbisedim me Libertën. I pyetur nga ndjekësit se a po rikthehet me emision të ri, moderatori thotë se “po shpreson që po, pas verës në sezonin e ri televiziv”.
Ndërkaq, një nga ndjekësit i thotë se ka thashetheme se ai dhe Liberta po sjellin diçka të përbashkët, në të cilën Hamiti u përgjigj duke konfirmuar se të dy po punojnë në projekte të reja por jo bashkë.
Përgjigjen e moderatorit e ka ndarë edhe Liberta në llogarinë e saj në Instagram ku shton se “Ka me ardhë viti i ri pak ma herët sivjet”.
Se çfarë po përgatitet për shikuesit do të duhet të presim edhe pak për ta zbuluar, por një gjë është e sigurt, Liberta dhe Alaudini nuk zhgënjejnë asnjëherë! /Prive.al
