Aktori i filmit “The Family Man” do të bëhet sërish baba.
Nicolas Cage dhe gruaja e tij, Riko Shibata, do të bëhen prindër, konfirmoi përfaqësuesi i aktorit për Page Six të enjten.
“Prindërit e ardhshëm janë të gëzuar!” i tha edhe publicisti gazetës ‘People’. Një datë e caktuar apo gjinia e fëmijës nuk u njoftua.
Ndërkohë, Cage ka dy fëmijë të tjerë nga lidhjet e mëparshme.
Dyshja u martuan në shkurt të vitit 2021 në hotelin Wynn në Las Vegas. Ajo është gruaja e pestë e yllit të të famshëm amerikan.
Në kohën e dasmës së tyre, Cage tha në një deklaratë: “Është e vërtetë, dhe ne jemi shumë të lumtur”.
Çifti u takua në Shiga, Japoni dhe kanë qenë së bashku që pak kohë pas shpërbërjes së martesës së fundit të Cage, me Erika Koike, e cila zgjati katër ditë në vitin 2019.
Ai ishte gjithashtu i martuar më parë me Patricia Arquette nga 1995 në 2001, Lisa Marie Presley nga 2002 në 2004 dhe Alice Kim nga 2004 në 2016.
