Albumi i fundit i grupit ABBA “Voyage” ka thyer tashmë një rekord në Mbretërinë e Bashkuar duke u bërë albumi më i shitur në katër vjet, vetëm gjashtë ditë pasi u publikua.
Grupi u rikthye me albumin e tyre të nëntë dhe të fundit më 5 nëntor, me shifrat e shitjeve që sugjerojnë se ai ka tejkaluar me shpejtësi çdo version tjetër aktual – mes tyre ai i Ed Sheeran.
Albumi i pestë i Ed Sheeran ka qenë në treg për t’u blerë që nga 29 tetori dhe aktualisht është në vendin e parë në tabelën e albumeve në Mbretërinë e Bashkuar, por pritet të hiqet nga ABBA kur tabela të përditësohet më 12 nëntor.
Ndërsa Sheeran shiti 139,000 kopje në vetëm shtatë ditë, “Voyage” albumi i parë me material origjinal i ABBA që nga viti 1981 ka shitur 181,712 kopje për një periudhë më të shkurtër kohore.
Pop-grupi suedez i kënaqi fansat kur njoftuan se po ktheheshin me një koncert revolucionar dhe një album të ri.
“Voyage” është albumi i nëntë në studio i ABBA dhe vazhdimi i “The Visitors”, i cili kishte qenë albumi i fundit i grupit kur u publikua në vitin 1984.
Këngët e kthimit të ABBA arritën numrat nëntë, katërmbëdhjetë dhe 59 në tabelën e këngëve në Mbretërinë e Bashkuar si dhe një numër një në Suedi vendin e tyre të lindjes.
Kjo vjen pasi artistet njoftuan se do të tërhiqen pas publikimit të albumit të tyre dhe përfundimit të qëndrimit të tyre në skenë.
ABBA u bënë emra të njohur pasi fituan në vitin 1974 në Eurovision Song Contest me këngën hit Waterloo.
Ata vazhduan të publikonin këngë duke përfshirë Mama Mia!, Dancing Queen, Take a Chance On Me dhe Thank You For The Music përpara se të largoheshin nga industria e muzikës.
