Dashurinë e tyre e filluan në spektaklin ‘Dancing with the Stars’ ku bashkë ishin partnerë të kërcimit. Soni Malaj dhe balerini Mirko Luccarrelli konsoliduan një lidhje të fortë e cila rezultoi me sjelljen në jetë të vajzës së çiftit të quajtur Anna.
Madje për një kohë Soni bëri një jetë paralele mes Shqipërisë dhe Spanjës ku u zhvendos bashkë me Mirkon.
Më herët, në media u spekulua lidhur me ndarjen e mundshme të çiftit por këto thashetheme u demantuan nga Soni përmes një fotoje ku shfaqej e lumtur në portretin familjar bashkë me vajzën dhe balerinin.
Por sic merr vesh Prive nga burime të afërta me këngëtaren, lidhja ka përfunduar tash e një kohë ndërkohë nuk dihet se çfarë e shtyn Sonin ta mbajë larg mediave një zhvillim të tillë në jetën e saj. /Prive.al/
