Në një deklaratë të re, Tristan Thompson thotë se ai kishte marrëdhënie seksuale “konsensuale rastësore” me Maralee Nichols, e cila kohët e fundit lindi një fëmijë që ajo pretendon se është fëmija i tij i tretë.
Tristan Thompson thotë se ai dhe Maralee Nichols, kishin një marrëdhënie vetëm seksuale që zgjati për muaj të tërë.
Ylli i NBA, pohon se nëse ai është babai i djalit të Nichols, i cili lindi më 1 dhjetor, ai u ngjiz kur të dy bënë seks marsin e kaluar në ditëlindjen e tij të 30-të në Hjuston, ku ajo ka jetuar përpara se të transferohej në Kaliforni përpara betejës së tyre ligjore.
Khloe Kardashian i ka dhënë fund lidhjes me Tristan Thompson, pasi ai e tradhëtoi atë.
Dyshja janë prindër të një vajze së bashku.
Ai vazhdoi, “Marrëdhënia jonë bazohej në seks. Ne nuk do ta kishim parë njëri-tjetrin në Hjuston nëse nuk do të bënim seks. Ne nuk kishim takime në kuptimin tradicional në çdo kohë; nuk kishte darkë në restorante, shkuarje në kinema, udhëtime apo ndonjë tregues tjetër i një marrëdhënieje normale. Kishte vetëm Snapchats për ‘ku’ dhe ‘në çfarë ore’ do të lidheshim dhe çfarë hotelesh do të përdornim”.
Thompson tha se ai dhe Nichols “kurrë nuk kanë pasur asnjë telefonatë, email dhe as nuk kemi shkëmbyer mesazhe me tekst”.
Thompson shtoi, “Duke pasur parasysh faktin se marrëdhënia jonë bazohej vetëm në seks, nuk do të kishte asnjë arsye për të mbajtur asnjë mesazh, snapchat nuk ruan mesazhe”.
