Pothuajse të gjithë të famshmit shqiptarë kanë bërë postime në rrjete sociale duke shprehur ngushëllime dhe mbështetjen e tyre për Shqipërinë pas tërmetit të fortë që ka goditur Shqipërinë.
Deri tani raportohet për nëntë viktima dhe rreth 600 të plagosur.
Bes Kallaku, aktori I njohur shqiptar, bëri një postim të dhimbshëm në Instagram duke shkruar: “Me eshte copetuar zemra sot nga kjo tragjedi qe preku Shqiperine e shqiptaret. Per jetet e humbura, per secilin. Por ky lajm i ketij vogelushi i cili lavdi Zotit doli i gjalle fale gjyses se tij me keputi shpirtin. Mbase per shkak te mardhenies time me gjyshen mi shtoi lotet, pikellimin, dhe gezimin qe djali eshte gjalle. Kur njeriu mendon se ka arritur ta siguroje jeten, se i duket qe ka fuqine per te vendosur per vete e te tjeret, Ai lart e shkund nga themelet, per tna kujtuar sa te vegjel jemi, sa te pafuqishem jemi, sa falenderues duhet te jemi. Qofte dite reflektimi per kedo edhe sjellte ndergjegje se krejt kjo fryme e nje energjie negative, duhet ti lere vend pozitivitetit, miresise, dashurise per tjetrin dhe tna beje me te mire neser. Zoti na rujt”.
Aktualisht në Shqipëri, forcat emergjente janë duke u përpjekur për të nxjerrë njerëz nga rrënojat./Prive.al
