Ndër njerëzit që nuk janë fytyra publike të veshësh gjërat e njëjta me vite është më se e zakonshme. Por edhe fytyrat publike që janë gjithmonë në objektivin e kamerës janë parë duke veshur të njëjtin artikull disa herë (marrim shembull dukeshën Kate Middleton e cila ka shumë raste kur paraqitet në evente të ndryshme me fustanin ose pallton e njëjtë.)
Edhe Anjeza Shahini me një postim të gjatë në llogarinë e saj në Instagram, shpjegoi arsyen e veçantë pse ajo ka vite që vesh xhaketën e njëjtë.
“Këtë xhaketë lëkure e ruaj dhe e vesh prej shumë vitesh. Ndoshta e shihni në shumë nga fotot e mia. Kështu bëj me disa nga veshjet e mia. E dua modën dhe kënaqem kur blej veshje të reja sigurisht, por dua dhe botën në të cilën jetojmë. Kështu që kur blej dicka të re, thjesht e mendoj dy herë. Vetëm kaq duhet për të bërë secili pjesën tonë, të shpëtojmë sadopak ambientin. Unë besoj në të qenurit modern dhe më I përgjegjshëm. Ah, sa për gotën plastike në dorë, është 100% e riciklueshme por prap nuk është ideale.”
Kujtojmë që Anjeza Shahini në 8 mars të këtij viti u bënë nënë për herë të parë. Ajo solli në jetë një vajzë që e pagëzoi me emrin Victoria Kelis Connolly. /Prive.al
