Thashethemet i kanë kapluar mediat ndërkombëtare, se aktori Bradley Cooper dhe modelja Irina Shayk, po ndahen.
Çifti sipas raportimeve të Page Six, kanë kohë që kanë telashe në romancën e tyre e cila po mbahet për një fije peri.
Bradley dhe Irina kanë nisur romancën në vitin 2015-të, ndërsa në vitin 2017-të, ata u bënë edhe me një vajzë me emrin Lea.
“Për shkak të vajzës së tyre, ata po përpiqen”, thotë një burim i revistës Page Six. “Gjërat nuk janë mirë. Asnjëri nga ta nuk është i lumtur”.
Në anën tjetër, ka pasur raportime se ata janë të palumtur bashkë edhe në të kaluarën. Ndërsa çifti, paraqitjen e fundit publike në tapetin e kuq, e ka bërë në Shkurt, kur bashkë shkuan në Oscars. /Prive.al
