Gazeta shqiptare Panorama Plus vitin e kaluar shkruante se këngëtarja Rozana Radi, ka prej pesë vitesh e lidhur me dikë! Sipas kësaj gazete, djali që i ka rrëmbyer zemrën quhet Shpëtim Karakushi dhe punon si Oficer i Policisë Gjyqësorë pranë Prokurorisë së Rrethit Tiranë. Për rreth tri vite, Rozana arriti ta mbajë të fshehtë lidhjen.
Flitej në ambiente artistësh, se Rozana ishte lidhur me dikë, por ndërkohë Radi shfaqej mjaft e rezervuar dhe nuk dilte në publik me të.
Por në nëntor të vitit 2015, ajo u pa në Panairin e Librit në shoqërinë e Shpëtimit ku u fotografua ndërkohë që “Panorama Plus” kishte mësuar edhe detaje mbi të zgjedhurin e Rozanës.
Ndërsa këngëtarja e pyetur nga fansat e saj në Instagram nëse është e dashuruar, ka dhënë një përgjigje të thjeshtë dhe të fuqishme: “SHUMË”.
Kjo përgjigje mund të merret edhe si konfirmim i lidhjes së saj me Karakushin!
Ajo këtë vit merr pjesë në festivalin “Kënga Magjike” me këngën “Kur përfundon një dashuri si kjo e jona”, e përderisa profesionalisht është shumë aktive, ajo ka parapëlqyer që të mos flasë asnjëherë më për jetën e saj private.
