Prezantuesja Rudina Magjistari, me ëmbëlsinë ndër vite dhe emisionet që ka pasur dhe ka është shndërruar në një prej figurave më të pëlqyera të ekranit shqiptar.
Por, audienca e saj e cila është mësuar kaherë me formatin e programit të pasdites dhe temat që ajo trajton ditën e djeshme ka mbetur e pakënaqur.
I gjithë emisioni ‘Rudina’ është fokusuar dje në një seks-shop online që pritet të hapet sot në Shqipëri.
Të ftuara në panel ishin dy prej themeluesve bashkë me dy gazetare, Alba Çobaj e Dasara Karaiskaj të cilat diskutuan mbi marrëdhënien në çift dhe ndikimin e lodrave seksuale në një relacion të tillë.
Demonstrimi i disa prej mjeteve dhe kremërave direkt në emision për gati një orë të plotë duket se nuk i ka pëlqyer aspak audiencës së prezantueses që nuk janë të mësuar me një spektër të tillë të temave.
Pas përfundimit të emisionit, në rrjete sociale ka vërshuar një vlug i kritikave që shprehnin pakënaqësinë dhe dëshpërimin mbi temën që trajtonte ky edicion mes tjerash edhe për faktin se transmetohej në një fashë orari nga ora 5 deri në 6 të pasdites.
Rudina e cila mbase e ka pritur një gjë të tillë shkaku që seksi akoma konsiderohet tabu në shoqërinë tonë, ka zgjedhur të mos replikojë ndaj vlugut të madh të komenteve kritikuese. /prive.al/
