Saga e projektit “KMN” nga Azet dhe Zuna po vazhdon.
Vetëm pak ditë pasi producenti Bini Nebihu shpalli ‘fitoren’ e tij në raport me të drejtat e autorit, të cilat i pretendon për këtë projekt, ka një tjetër zhvillim.
Pas bllokimit në Youtube për rreth 48 orë, projekti tashmë është rikthyer i plotë.
Pa asnjë ndryshim, kënga është sërish e qasshme për publikun.
Mesa duket, kërkesa për heqjen e këngës nga Diez Production është pasuar me një kundër reagim nga kampi i KMN në Youtube, me ç’rast, platforma e ka revokuar bllokadën.
Deri tani, në lidhje me akuzat publike të producentit Shkumbin Nebihu, nuk ka pasur asnjë reagim publik nga reperi Azet apo personat tjerë të afërt të rrethit të tij artistik. /Prive.al
