Cristiano Ronaldo ka njoftuar se njëri prej binjakëve të tij që po i priste me Georgina Rodriguezin ka vdekur.
“Me pikëllimin më të thellë ju njoftojmë që djali ynë foshnje ka vdekur”, ka shkruar Ronaldo në Instagram.
“Është dhimbja më e madhe që mund ta ndjejë një prind. Vetëm lindja e vajzës sonë na jep fuqinë që ta jetojmë këtë moment me ca shpresë dhe lumturi”.
“Do të donim t’i falënderonim mjekët dhe infermieret për krejt kujdesin dhe mbështetjen”.
Ronaldo dhe familja e tij kërkuan që t’u respektohet privatësia pas kësaj tragjedie familjare, dhe shprehën dashurinë për foshnjen e humbur.
“Jemi të dërrmuar nga kjo humbje dhe me mirësi kërkojmë privatësi në këtë periudhë të vështirë”.
“Bebushi ynë, ti je engjëlli ynë. Do të të duam përgjithmonë”.
