Historia e borxhit ka filluar nga Shqipja, e cila mori pjesë në klipin e këngës “Love Story”(Shuj Shuj) të Mevlanit. Çdo gjë dukej sikur shkonte mirë derisa Mevlani gjatë takimit me Melisën tregoi se Shqipja ka dashur të vinte me dëshirë te klipi i tij. Më pas Shqipja u revoltua nëpër story dhe tregoi që ai as lekët e klipit nuk ja kishte dhënë.
Ajo ka shprehur revoltë disa herë dhe ka dal shumë herë nëpër intervista të flasi rreth këtij borxhi, gjë për të cilën Mevlani kurrë nuk reagoi vetëm para pak kohësh.
I ftuar te “Glamour Zone” ai u pyet për borxhin ndaj Shqipes dhe tha:
“Unë eci me këtë parim: ndodhi edhe kam fakte. Këtë gjë e dimë unë, Zoti dhe Shqipja. Nuk kam reaguar në rrjete sociale sepse më është dukur shumë fëmijënore.
“Për ta mbyllyr si temë , inati i Shqipes është që kur u pyeta në program, unë thashë që Shqipja më ka kërkuar të jetë në videoklip. Ajo se përtypi dot se po të kisha thënë që unë e ftova, kjo temë s’do ekzistonte. Edhe nëse i do hajde, veç mos fol më,- shtoi Mevlani.
Shqipja e ftuar kohët e fundit te Shqipëria Live dhe Ftesë në 5 filloi të fliste përsëri rreth borxhit dhe se Mevlani ka bërë si “hallexhi” prandaj nuk ja ka dhënë lekët dhe se ajo i dha famën, ndjekësit dhe klikimet, shkruan Albeu.
Po Mevlani ka bërë veprimin e papritur, ai i ka dërguar asaj me zarf lekët live në emision te Shqipëria Live. Shqipja u pre nga ky gjest, grisi zarfin dhe tha se nuk pranon lekët nga njerëz fallco.
