Këngëtarja amerikane Jana Kramer shkroi në një postim të sinqertë në mediat sociale se ajo ishte abuzuar fizikisht dhe emocionalisht në marrëdhëniet e kaluara.
Ajo ka treguar se ka punuar në “shërimin” e shëndetit të saj mendor.
“Unë jam abuzuar fizikisht dhe emocionalisht në marrëdhëniet e kaluara,” shkroi Kramer në një mbishkrim pranë fotove të saj në Instagram, duke mbajtur një tabelë që shkruante, “Unë nuk jam thyer, Unë jam mjaftueshëm.”
Ajo vazhdoi, “Kam lejuar që disa sjellje të vazhdojnë sepse në të vërtetë besoja në zërat negativë në kokën time që më thuheshin”.
Këngëtarja tha se “të gjitha fjalët” dhe “abuzimi” e bindën atë se ajo nuk ishte “mjaft” dhe “jo e denjë për dashuri”.
“Për vite me radhë kam përsëritur modele, kam rënë në kurthin e besimit të atyre zërave, lëndimit të vetes dhe lëndimit të të tjerëve për shkak të dëshirës sime për t’u zgjedhur, për të qenë e mjaftueshme,” vazhdoi Kramer. “Dhe unë kam rënë në të njëjtin abuzim në një lidhje sepse është ajo që mendova se e meritoja”.
“Shërimi im … shërimi juaj … shërimi ynë është ndalimi i atyre zërave negativë. Tani është koha për t’u rritur, mësuar, shëruar dhe dashuruar veten. Jemi mjaft. Ju jeni mjaft. Unë jam mjaftueshëm”.
View this post on Instagram
Mesazhi i Kramer vjen vetëm disa muaj pasi ajo përfundoi divorcin nga ish-bashkëshorti Mike Caussin, me të cilin ndan dy fëmijë, pasi e akuzoi atë për tradhti bashkëshortore në martesën e tyre.
Këngëtarja e këngës “I Got the Boy” u martua për herë të parë me Michael Gambino, i cili u dënua për tentative vrasjeje ndaj këngëtares. Ai u lirua në vitin 2010 dhe bëri vetëvrasje dy vjet më vonë.
Ajo më pas u martua me yllin e “That Thing You Do” Johnathon Schaech në vitin 2010, por u nda pas 12 ditësh dhe përfundoi divorcin e tyre në vitin 2011.
