Para pak ditësh, çifti Eni Koçi dhe Genc Prelvukaj përfunduan me dy dozat e vaksinës.
Çifti po ashtu bën thirrje tek ndjekësit e tyre që të tregoheshin të përgjegjshëm dhe të inokuloheshin kundër virusit vdekjeprurës.
“Unë dhe tmerri nga gjilpërat. Unë zgjodha vaksinën Pfizer. Ju sugjeroj të ecni me hapin e shkencës dhe të bëni vaksinën. Duhen injoruar plotësisht teoritë e gabuara që kundërshtojnë marrjen e vaksinës.“, shkruante Eni në postimin e saj.
Këngëtarja kishte rezultuar pozitive me COVID-19 para rreth një viti, mirëpo ajo akoma vuan pasojat e virusit.
Në një bisedë që ajo realizoi me ndjekësit e saj në Instagram, Eni ndau edhe eksperiencën e saj me COVID-19.
“Ende vuaj pasojat me shijen dhe nuhatjen (parosmia)”, ka shkruar Eni teksa i përgjigjet një ndjekësi. /prive.al
