Kantautori amerikan Bob Dylan është paditur nga një grua që thotë se ai abuzoi seksualisht me të në 1965 kur ajo ishte 12 vjeç.
Padia pretendon se Dylan “shfrytëzoi statusin e tij si muzikant për t’i siguruar [paditëses] alkool dhe drogë dhe abuzuar seksualisht me të shumë herë”.
Aty thuhet se abuzimi ndodhi në apartamentin e Dylan në Chelsea Hotel të Nju Jorkut.
Zëdhënësi i Dylan i tha BBC se “pretendimi 56-vjeçar është i pavërtetë dhe do të mbrohet me forcë”.
Padia u ngrit të premten e kaluar në Gjykatën Supreme të Nju Jorkut sipas Aktit të Shtetit për Viktimat e Fëmijëve.
Akuzuesja që aktualisht jeton në shtetin e Konektikatit – identifikohet vetëm nga inicialet e saj, J.C,
Ajo tha se këngëtari, 80 vjeç, i kishte shkaktuar “dëm të rëndë psikologjik dhe trauma emocionale”, dhe po kërkon dëme të papërcaktuara.
Dylan – i cili ka lindur si Robert Allen Zimmerman – ka shitur më shumë se 125 milionë albume në të gjithë botën gjatë një karriere që zgjati gjashtë dekada.
Në vitin 2016, atij iu dha Çmimi Nobel në Letërsi, duke u bërë kompozitori i parë që fitoi çmimin prestigjioz.
