Këngëtarja, Halsey ka bërë të ditur se është shtatzënë për herë të parë.
Ajo ndau lajmin e ëmbël me anë të një postimi në Instagram, duke ndarë disa fotografi me barkun e rrumbullakosur ku shkruan: “Surprizë”.
Në janar të këtij viti, u konfirmua se ajo është në lidhje me skenaristin Alev Aydin.
Halsey ka folur hapur për dëshirën e saj për të pasur fëmijë dhe për abortimet në të kaluarën. Në vitin 2018, në moshën 23 vjeçare, ajo njoftoi se po ngrinte vezët e saj.
Në një këngë në albumin e saj më të fundit, ajo iu drejtua fëmijës së saj të ardhshëm drejtpërdrejt: “… Kur të vendosni se është koha juaj të mbërrini / Unë ju kam dashur gjatë gjithë jetës sime.”
Burimi: The Cut
