Këngëtari i mirënjohur Ismet Peja sonte pritet të këndojë në qytetin e Gjakovës së bashku me djalin e tij Visar Pejën.
Këtë e ka bërë të ditur Visari përmes një lidhje direkte në emisionin Ora Shtatë në Klan Kosova.
“Kemi përzgjedhur tri blloqe muzikore: I pari do të shkojë me disa duete. I dyti do të jetë me këngë të Shqipërisë së mesme dhe blloku i tretë do të jetë karakteristikë e sofrave të Gjakovës”.
I pyetur se si po ndihet Ismet Peja para shfaqjes, i biri i tij është përgjigjur se “pleqëria e bën të vetën, por ai ka vullnetin se mund ta sfidojë edhe një djalë të ri”.
Koncerti do të transmetohet në televizionin Klan Kosova duke filluar në ora 21:20.
