Sot janë dy prej emrave më të suksesshëm të skenës por rruga deri në këtë pikë për Mozzik dhe Getinjon ka qenë jo fort e lehtë.
Vëllezërit kanë punuar shumë dhe me plot njerëz derisa kanë kapur suksesin e ëndërruar. E një deklaratë e tyre nuk i ka pëlqyer Bini Nebihut.
Ai nuk ka mundur ta kapërdijë pa një reagim, prononcimin e dyshes ku thonë se nuk janë ndihmuar nga producentë e artistë të Ferizajt, qytet nga i cili vijnë.
Përmes një postimi në Facebook, ai i ka numëruar ndihmesat në fillimet e karrierës kur siç shprehet ‘i ka marrë nga rruga’ Mozzikun dhe Getinjon për në studio, fakte të cilat me gjasë tani janë harruar nga ata.
Ky është postimi i plotë i Binit shoqëruar me foto nga secili projekt:
E nuk ka vonuar shumë as reagimi i Getinjos i cili realisht nuk e ka përmendur faktin e pretenduar nga Bini se është ndihmuar në një kohë të caktuar por suksesin ia ka atribuar meritës dhe punës së tij.
Raste të tilla kur përplasen artistë e producentë që dikur kanë punuar së bashku nuk janë të rralla në estradën shqiptare. /Prive.al/
