Një e thënë nga aktori Gent Hazizi në ‘Shiko Kush Luan’ u bë mollë sherri me këngëtaren Bleona e cila nuk e kapërdiu atë që tha në program aktori i njohur.
Këngëtarja reagoi shumë ashpër duke e konsideruar anonim aktorin teksa emisioni u fshi nga Youtube për t’u publikuar pa pjesën që nevrikosi Bleonën.
E gjithë kjo, nisur nga një ‘martesë’ që i bëri Armand Peza këngëtares dhe Flori Mumajesit dukej se u tentua të kapitalizohej mirë nga Luana Vjollca.
Prezantuesja, njëherësh bashkëautorja e programit, marrë shkas edhe nga xhirot në portale duket se kishte menduar të përfshinte në emisionin e 1 Janarit një martesë të inskenuar mes Bleonës dhe Flori Mumajesit.
Por, kjo ide është refuzuar në mënyrën më të papritur nga Bleona.
Ajo nuk është mjaftuar me pagesën e biletës nga Top Channel por ka kërkuar 100.000 euro për një skenë të tillë.
‘Ok’ – ka qenë përgjigja e vetme e gazetares së zhgënjyer nga përgjigja teksa bisedën, Bleona e ka postuar edhe në Instagramin e saj.
‘Dyfytyrësi tipike shqiptare. Nga njëra anë plas ironia teksa nga ana tjetër fillon sahan-lëpirja’ – shprehet mes tjerash Bleona. /Prive.al/
