Ka vdekur ish gazetari i njohur kosovar, Seremb Gjergji.
Pos gazetarisë, ai gjithashtu në vitin 2016 ishte kandidati i pavarur për president të Republikës së Kosovës, por që nuk ishte përfshirë në procesin zgjedhor.
Seremb Gjergji ka filluar karrierën si gazetar para, gjatë e pas luftës në Kosovë në disa mediume të shkruara dhe elektronike. Ai ka qenë aktiv në disa debate aktuale politike me pjesëmarrje aktive dhe në opinione të shkruara.
I ndjeri i cili po luftonte me një sëmundje të rëndë ka lënë bashkëshorten Samije Bajraktari- Gjergji dhe dy fëmije, një djalë dhe një vajze.
