Kim Kardashian ka akuzuar ish-bashkëshortin e saj, Kanye West, se e bën bashkë-prindërimin “të pamundur në çdo hap të rrugës”.
Në një postim në Instagram, Kardashian u kthye kundër West, i cili ka ndryshuar ligjërisht emrin e tij në Ye, duke i quajtur sulmet e tij në rrjetet sociale “të lëndueshme”.
Reperi ka pohuar më parë se vajza e tyre ishte në TikTok kundër vullnetit të saj.
Kardashian paraqiti kërkesën për divorc me West në shkurt 2021, duke përmendur dallimet e papajtueshme pas gati shtatë vitesh martesë.
West me sa duket sulmoi ish-gruan e tij për lejimin e vajzës së tyre North, tetë vjeç, të ishte në TikTok pa lejen e tij.
“Meqenëse ky është divorci im i parë, duhet të di se çfarë duhet të bëj që vajza ime të vihet në tik tok kundër vullnetit tim?” ka shkruar ai në Instagram.
Kardashian, 41, iu drejtua komenteve të tij në postimin e saj, duke thënë se ajo po bën çmos për të mbrojtur North-in, duke lejuar “krijimtarinë e saj në mediumin që dëshiron” me mbikëqyrje sepse i sjell “lumturi”.
Ajo shtoi se “sulmet e vazhdueshme” ndaj saj në intervista dhe në mediat sociale janë “më të dëmshme se çdo TikTok North mund të krijojë”.
“Divorci është mjaft i vështirë për fëmijët tanë dhe obsesioni i Kanye për të kontrolluar dhe manipuluar situatën tonë kaq negativisht dhe publikisht vetëm sa po shkakton dhimbje të mëtejshme për të gjithë”, shkroi ajo.
“Që nga fillimi nuk kam dashur gjë tjetër veçse një marrëdhënie të shëndetshme dhe mbështetëse bashkëprindërore sepse është më e mira për fëmijët tanë dhe më trishton që Kanye vazhdon ta bëjë të pamundur në çdo hap”.
Kim e cila ka 284 milionë ndjekës në Instagram, shtoi se ajo është “ofruesi dhe kujdestarja kryesore” për katër fëmijët e tyre, North, Saint, Chicago dhe Psalm.
“Dëshiroj t’i trajtoj të gjitha çështjet në lidhje me fëmijët tanë privatisht dhe shpresoj se ai më në fund mund t’i përgjigjet avokatit të tretë që ka pasur vitin e kaluar për të zgjidhur çdo çështje në mënyrë miqësore,” shtoi ajo. /Prive.al
