Nesër në Prishtinë protestohet në sheshin “Zahir Pajaziti” pas rastit të përdhunimit të 11-vjeçares.
Lidhur me këtë rast të rëndë, në të njëjtën ditë do të protestohet edhe në Tiranë.
Në rrjete sociale ka nisur të shpërndahet thirrja për pjesëmarrje nesër në orën 18:30 në sheshin “Nënë Tereza”.
“Solidaritet me Prishtinën, për mbrojtjen e vajzave dhe grave nga dhuna patriarkale”, thuhet në njoftimin e protestës.
Këtë njoftim e kanë ndarë artistët shqiptarë duke thirru njerëzit për pjesëmarrje.
11-vjeçarja dyshohet se është përdhunuar të shtunën nga pesë persona për rreth 7 orë.
Të dyshuarit janë arrestuar.
