Temperaturat e larta të verës sjellin rreziqet e njohura të rraskapitjes nga nxehtësia, por ato gjithashtu mund të ndikojnë në disponimin dhe shëndetin mendor të njerëzve, thonë ekspertët.
Në një studim të vitit 2022 të JAMA Psychiatry thuhet se me rritjen e temperaturave shtohen vizitat në dhomat e urgjencës.
“Puna jonë tregoi se vizitat në departamentin e urgjencës për të trajtuar shëndetin mendor u rritën me rritjen e temperaturave të ambientit, për të rriturit në të gjithë SHBA-në”, tha autorja kryesore e studimit Amruta Nori-Sarma, në Universitetin e Bostonit.
Ndërsa studiuesit nuk u futën në specifikat se si nxehtësia ndikon në tru, Nori-Sarma identifikoi se nxehtësia është si një element stresor që përkeqëson shëndetin e keq të njerëzve.
Dr. Joseph Galasso, CEO në Baker Street Behavioral Health në New Jersey, nuk ishte i përfshirë në studim, por tha se gjetjet e tij janë në përputhje me atë që ai do të priste.
“Ne e dimë se nxehtësia ekstreme ka një ndikim të rëndësishëm në humor dhe sjellje”, tha ai për Fox Neës Digital. “Në veçanti, ne shohim rritje të agresivitetit dhe paqëndrueshmërisë së humorit.”
Kur njerëzit janë të parehatshëm, tha Galasso, zakonisht ndryshon disponimin dhe sjelljen e tyre.
“Nxehtësia ekstreme mund të ulë, në të gjithë popullsinë, aftësinë tonë të përgjithshme për të ruajtur sistemin tonë të mbrojtjes psikologjike, sepse ka një një rritje të stresit,” shpjegoi ai.
“Ajo që ne dimë është se ekspozimi ndaj nxehtësisë ekstreme ndikon në “portierët tanë emocionalë” ose sistemet që mbajnë burimet tona psikologjike dhe mbrojtjen e paprekur,” shpjegoi ai.
Një faktor kryesor mund të jetë se temperaturat në rritje priren të prishin gjumin, tha doktori, gjë që i bën njerëzit të ndihen nervoz dhe të shqetësuar.
“Për më tepër, njerëzit raportojnë vështirësi më të mëdha me kujtesën, vëmendjen, përqendrimin dhe kohën e reagimit,” tha Galasso. “Kur ka presion mbi sistemet e brendshme që rregullojnë humorin dhe zhgënjimin, shfaqen simptoma që na bëjnë të ndihemi më pak efektivë në jetën tonë të përditshme”.
Galaso për t’i parandaluar të gjitha këto ka thënë se njerëzit duhet të informohen më shumë, dhe të kenë kujdes për njëri-tjetrin e t’iu përmbahen kërkesave të mjekëve, shkruan Foxnews, transmeton Klankosova.tv .
