Vetëm nëse jeni lindur pas vitit 2000, nuk ka shancë të mos keni parë të paktën një episod të serialit latin “Pasionet e Fshehura”.
Seriali u transmetua në vendin gjatë viteve 2003-2004 dhe shoqëronte çdo familje në mbrëmje. Dhe jo vetëm kaq, stili i vajzave Norma, Sara dhe Himena u adhurua gjerësisht nga gratë tona.
Së fundi me këtë serial na ngjalli nostalgji Tayna. Në një postim në llogarinë e saj në Instagram shfaq një pjesë të serialit ku shkruan, “Kujt i kujtohet ky serial? E kam një surprizë për ju”.
Pak më vonë Tayna na përditësoi për çfarë po bëhej fjalë. Ajo debutoi me një model të ri flokësh, dhe ngjyra që kishte përzgjedhur ishte pikërisht si ajo e personazhit të serialit Norma.
Ajo u frymëzua nga personazhi i Norma-s për flokët e saj, por jo vetëm!
Artistja po përgatit një videoklip të ri, dhe tema do të jetë? Pikërisht kjo e “vajzave kaubojse” që jetojnë në një fermë, që aq sa janë sensuale janë edhe të forta dhe që adhurojnë kalërimin.
Më poshtë postimi i plotë i artistes, dhe fansat mezi po presin të shohin se çfarë ka përgatitur Tayna. /Prive.al
