Vetëm edhe disa orë na ndajnë deri në finalen e madhe të “Miss Kosova 2016”,e cila do të transmetohet sonte drejtpërdrejtë në Klan Kosova me fillim nga ora 21:00 .
Vajzat pjesëmarrëse që garojnë për titullin e më të bukurës së vendit janë nga Kosova dhe Diaspora, dhe për herë të parë në Miss Kosova ka marrë pjesë edhe një kandidate nga Argjentina.
Në një punë tejet intenzive që ka mundur të përcillet në etapa përmes reality-show ‘Rrugëtimi drejt Miss Kosova 2016’, gjithçka është bërë gati për mbrëmjen.
E ai i cili do t’iu shoqërojë gjatë spektaklit si prezantues i ceremonisë është Alaudin Hamiti, moderatori i emisionit tashmë shumë të ndjekur ‘NIN’ në Klan Kosova.
Ndryshe, në spektaklin e bukurisë “Miss Kosova 2016” do të ndahen dy kurora dhe Kosova do të përfaqësohet në dy konkurset me të rëndësishme të bukurisë në botë, në Miss Universe dhe në Miss Earth. /Prive.al/
