Gazetarja, Arjeta Sinani ka treguar pak rreth asaj se çfarë do iu pret sonte në spektaklin ‘Prime’ të Big Brother VIP Kosova.
Disa gjëra të pathëna e të padëgjuara më herët do të zbulohen sonte.
“Sot bëhen gjithsej 52 ditë prej fillimit të spektaklit më të shikuar televiziv në vend Big Brother VIP Kosova. E sigurisht ky shou televiziv ka zënë vend tashmë në trojet shqiptare dhe jo vetëm. Ndërsa sonte produksioni i Big Brother VIP Kosova është përkujdesur që të ketë një super ‘Prime’ për të gjithë shikuesit e televizionit Klan Kosova, derisa do të ketë gjëra të pathëna dhe të pa dëgjuara më herët”, tha Sinani.
Përndryshe ‘Prime’ i sotshëm do të sjellë rrëfimin e Bleros, të padëgjuar më parë dhe pas atij rrëfimi, Bleron do e pres një surprizë.
“Sigurisht i tillë pritet të jetë edhe një rrëfim të cilin sonte do ta ndajë banori Blero për jetën e tij për të gjithë shikuesit e televizionit po ashtu edhe për banorët të cilët sonte do ta dëgjojnë për herë të parë. Sonte Blero pritet ta marrë një surprizë, është vajza e tij Tara e cila do t’i vijë në një vizitë të shkurtër”, është shprehur Sinani.
Ndërsa sa i përket aludimeve se a do të jetë hyrje e re apo vetëm performancë nga këngëtarja Melinda Ademi, ajo do ta nisi këtë ‘Prime’ me atmosferë të zjarrtë.
“Një foto e këngëtares Melinda Ademi ka qarkulluar në rrjetet sociale që ka treguar që sonte ajo do të jetë në shtëpinë e Big Brother VIP Kosova, kemi dëgjuar shumë konkludime se ajo do të vijë të performojë apo të bëhet pjesë e shtëpisë së Big Brother VIP Kosova, mirëpo unë sonte po e ndaj me ju dhe po e them se sonte produksioni i Big Brother VIP Kosova dhe ky ‘Prime’ do të nisë me një performancë të Melindës, pra ajo nuk do të jetë banore”, tha Sinani.
