Çmimet Grammy shtyhen për në muajin prill.
Ceremonia e 64 vjetore, e planifikuar fillimisht për 31 janar në Los Angeles, u shty për shkak të rritjes së rasteve me COVID-19. Tani ajo do të zhvillohet më 3 prill dhe do të transmetohet drejtpërdrejt nga kanali CBS. Po ashtu është hera e parë që Grammy mbahet në Las Vegas, njoftuan organizatorët.
New York Times shkruan se këtë vit kompozitori dhe drejtuesi i grupit Jon Batiste ka 11 nominime, më shumë se çdo artist tjetër, dhe do të konkurrojë si për albumin ashtu edhe për këngën e vitit.
Të tjerë të nominuar janë Olivia Rodrigo, Justin Bieber, Billie Eilish dhe Doja Cat.
Asnjë interpretues nuk është shpallur ende, por Trevor Noah do të kthehet si prezantes.
Vitin e kaluar, Grammy u shty me gjashtë javë dhe u mbajt kryesisht në ambiente të jashtme në qendër të Los Angelesit.
