Presidentja e Kosovës, Vjosa Osmani feston sot ditëlindjen.
Ajo ka mbushur plot 42 vjet.
E me rastin e ditëlindjes së Komandantes Supreme së Forcës së Sigurisë së Kosovës, bashkëshorti i saj, Prindon Sadriu ka ndarë një urim të veçantë.
“Gëzuar ditëlindjen shtylla jonë e familjes! Ti që e mbush jetën tonë çdo ditë me gëzim dhe dashuri të pafund. Gëzuar për gruan e jashtëzakonshme që je sot dhe gjithmonë. Të duam shumë”, ka shkruar ai.
Nuk kanë munguar as komentet e shumta të ndjekësve, që suportojnë rrugëtimin politik të Osmanit, e që po vazhdojnë të dërgojnë urimet më të mira.
