Së fundmi, këngëtarja Bebe Rexha po shijon suksesin e albumit të ri “Better Mistakes”. Më parë ajo është shprehur se ka punuar gjatë në këtë album, dhe mezi ka pritur ta ndajë me fansat e saj.
Por e gjithë puna ishte shumë stresuese për këngëtaren dhe së fundmi ajo ka ndarë një video të saj, ku tregon se si e ka çliruar stresin para publikimit të albumit.
Ajo tregon se ka frekuentuar një “Break Room” e shoqëruar nga Paris Hilton. Në videon e ndarë në rrjete sociale, ajo shihet teksa thyen objekte të ndryshme.
“Break Room” ose të njohura ndryshe si “Smash rooms” ofrojnë një vend të sigurt ku njerëzit mund të nxjerrin gjithë inatin e tyre apo stresin duke thyer sende. /Prive.al
