Këngëtarja Ronela Hajati është përfaqësuesja e Shqipërisë në “Eurovision” për vitin 2022.
Kënga e saj “Sekret” fitoi çmimin e parë në Festivalin RTSH.
Ajo tashmë ka nisur edhe përgatitjen e këngës për ta bërë gati për prezantim në skenën e madhe të Eurovisionit këtë vit në Turin të Italisë.
Artistja ka postuar së fundmi në Instastory, një foto ku tregohet se kënga e saj është renditur në treshen e këngëve më të dëgjuara të “Eurovision”-it.
Sipas fotos që Ronela kishte postuar, kjo është hera e parë në histori ku Shqipëria arrin këtë rekord.
“Për herë të parë në histori, Shqipëria është në vendin e tretë për shikueshmërinë më të lartë në faqen zyrtare të ‘Eurovision’-it në YouTube. Urime.”- shkruhet në foton e postuar nga Ronela Hajati. /Prive.al
