Që nga 22 Qershori, çdo mbrëmje nga e hëna në të mërkurë në ekranin e Klan Kosovës erdhi ‘Ora e mbrëmjes’, emision nga Njomza Aliu që servoi para publikut një koncept unik të programeve verore.
Shumë fytyra publike shfaqën talentin e tyre në pikturë, ndërruan profesion dhe shpalosën arritjet dhe sukseset në karrierë.
Rrugëtimit të këtij emisioni i vie fundi sot me një emision me përplot materiale interesante.
Alaudin Hamiti, drejtor i Klan Kosova flet për sezonin e ri televiziv që nis në Shtator dhe mes të tjerash zbulon se çfarë fshihet pas akronimit NIN, që tash e një kohë transmetohet si promo në televizion.
Në pjesën e pikturës, sonte talentin do ta shfaqë gazetari Milaim Zeka. Duke e njohur natyrën e tij pa komplekse do të jetë mjaft interesante për të parë se çfarë do pikturojë ai.
Gjon Karrica, artisti që në këngët e tij trajton tema të pashtjelluara e të konsideruara tabu do të flasë lidhur me projektin e tij të ri të titulluar ‘E du një virgjëreshë’ që pason ‘Sex toy’ të cilin Karrica e solli në duet me Jessy Hennessy.
Kurse në rubrikën e ndërrimit të profesioneve, Blero i cili së fundmi nisi të këndojë edhe nëpër dasma do provojë veten në rolin e grimerit.
Të gjitha këto dhe jo vetëm mund t’i ndiqni sonte në terminin e rezervuar duke filluar nga ora 21:00. /Prive.al/
