Sezoni veror është drejt fundit dhe si rrjedhojë pas muajsh të tërë me koncerte e në përgatitje të projekteve të reja muzikore, më në fund, ka pak ditë pushimi për artistët shqiptarë. Njëjtë ka vepruar edhe artisti i njohur nga Shqipëria, Skerdi.
E këto pushime shumë të merituara ai i ka nisur me personin e tij të zemrës, gazetaren kosovare Vesa Rama.
Përderisa ne ju marrim lakmi për pushimet e bukura që ata po kalojnë, Skerdi sapo na dha një lajm me një dedikim që i ngjan skenarëve më të bukur të filmave romantik!
Dyshja e lumtur, tani janë në pritje të ëmbël, lajm të cilin e ndau Skerdin në mënyrën më të bukur ndonjëherë.
Me dedikim që i bëri Vesës, ai i atribuon pjesët më të lumtura të jetës së tij asaj! E kur Skerdi ndau lajmin e mrekullueshëm, nëpërmjet fjalëve që thuri të gjithëve iu ngroh zemra me dashurinë që ai përcolli.
Doja që për ty sot, të hiqja çdo gjë nga rrjetet sociale por edhe nga mendja ime sepse ti do më dhurosh diçka shumë të shtrenjtë në jetë. Do ma falësh atë që e doja vetëm me ty – një engjëll që mezi pres ta shoh, ta prek dhe ta mbaj në duart e mija. Jam shumë i emocionuar sepse dita ditës mendoj vetëm për engjëllin tonë. Ky bekim ka nisur të ma ndryshoj jetën që tani dhe jam shumë krenar që ti do jesh nëna e fëmijës tim.
Gjërat që shihen nuk kanë nevojë për fjalë, por do e themi gjithsesi. Ajo duket rrezatuese me nurin e shtatzënisë! /Prive.al
