Pak ditë më parë, Labinot Gashi bëri të ditur ndarjen e rrugëve me KTV-në pas rreth shtatë vitesh bashkëpunim.
View this post on Instagram
Cikli në KTV erdhi për Labin pas më shumë se një dekade e gjysmë në RTV21, ekran në të cilin ishte ndërtuar e rritur profesionalisht.
E saktësisht origjina ku nisi gjithçka në këtë profesion do jetë edhe kapitulli i ri.
Rruga e re e Labit, është në adresën e vjetër!
Burime të sigurta të Prive.al kanë bërë të ditur se ai tashmë e ka mbyllur marrëveshjen për t’u rikthyer në RTV 21.
‘Labi do jetë sërish në 21sh. Nuk do të ndryshojë as dita e transmetimit. Programi i tij do të vazhdojë të shfaqet të dielave’, ka thënë një burim pranë tij për portalin tonë.
Kur ndau rrugët shtatë vite më parë, në një intervistë për Prive, fjalia e Labit ishte bërë virale.
‘Kur e marr vendimin, e marr vendimin. Jo, nuk isha kthyer. Për momentin jo. Më vonë nuk i dihet jetës kurrë’, ishte shprehur Labi atëbotë.
E sot, kjo përgjigje merr peshë më shumë se kurrë më parë! Me të vërtetë jetës nuk i dihet dhe rrugët sërish po e bashkojnë me logon e dikurshme.
Shumë suksese Labit! /Prive.al
