Këngëtari i njohur në botë, Maluma do të këndojë në Tiranë më 14 mars.
Ky lajm i cili ka qarkulluar për një kohë të gjatë në media, u konfirmuar nga kryetari i Tiranës, Erion Veliaj në një postim në Instagram.
Në videon e ndarë nga ai, Maluma bën thirrje për të qenë pjesë e koncertit i cili mbahet për pak ditë në sheshin Nënë Tereza.
Në emisionin e “Shqipëria Live”, e ftuar ishte Uarda Koçi e cila tregoi disa nga kërkesat që ka paraqitur këngëtari me famë botërore, Maluma para koncertit në Shqipëri, më 14 mars.
Por fillimisht ai pati disa kushte. Kërkesat e paraqitura nga stafi i këngëtarit fillonin me një tavolinë ping-pongu në prapaskenë.
“Maluma është një djalë super solar dhe gjithë ky ndriçim, pozitivitet i tij përcillet tek stafi i jashtëzakonshëm”, tha Uarda, njëra ndër organizatoret e koncertit.
Maluma përtej kësaj ka pasur edhe disa kërkesa tjera. Kërkesat e tij përfshinin kafenë, çajin dhe mjaltin.
Një kërkesë tjetër po aq e domosdoshme janë çamçakëz pa sheqer, pasi në këtë mënyrë ai redukton stresin.
