Ekipi kosovar Bad News Eagles bëri bujë kur arriti të kualifikohej në turneun ndërkombëtar CS:GO që do të mbahet në Antwerp të Belgjikës.
Ata u shprehën të gëzuar nga vizita e kryeministrit, duke thënë se kanë biseduar për përmirësimin e sporteve elektronike në Kosovë.
“Sot ishte një ditë e veçantë”, shkruan faqja e Bad News Eagles në Instagram.
“Ne u nderuam me praninë e kryeministrit të Kosovës. Ne patëm disa prej bisedave më të mrekullueshme se si ta përmirësojmë esportsin në rajonin tonë”.
“Faleminderit Albin Kurti për këtë ditë!”.
