Three 6 Mafia Gangsta Boo ka vdekur. Ajo ishte 43 vjeçare.
E lindur si Lola Mitchell, vdekja e ish-anëtares së grupit rep u konfirmua nga shoku i saj i labelit, DJ Paul KOM, i cili postoi një fotot të saj.
Shkaku i vdekjes së saj nuk dihet.
Media lokale raportuan se ajo u gjet e vdekur të dielën pasdite rreth orës 16:00 me kohën lokale.
Reperja, ishte anëtarja e dytë femër e Three 6 Mafia pas K-9. Mitchell vazhdoi të lëshonte albume të ndryshme solo përveç paraqitjes në pesë publikimet e para në studio të grupit.
Pasi u bashkua me Three 6 Mafia në vitet 1990, Mitchell u largua nga grupi në fillim të viteve 2000 për të lançuar një tjetër album solo dhe shumë mixtape. Ajo u shfaq në këngë nga reperë të famshëm duke përfshirë Gucci Mane, OutKast, The Game dhe më shumë.
Kohët e fundit, Mbretëresha e Memfisit filloi të punonte me media si Uproxx për të nxjerrë muzikë dhe shfaqje të reja. Në fillim të dhjetorit, ajo ndau një video të performancës së saj live të “I’m Fresh” në partneritet me publikimin.
