Shfaqja ‘Gishti’ me regji të Erson Zymberit pati sukses në Teatrin Kombëtar të Kosovës, por tani ka marrë rrugë drejt një shteti tjetër.
Aktorja Teuta Krasniqi e cila në shfaqje luan përkrah Irena Cahanit ka postuar një fotografi ku tregon se janë nisur drejt Cyrihut për ta bërë premierën e ‘Gishti’.
‘Gishti’ nga Doruntina Basha flet për dy gra, ato të mbetura të vetme në një shtëpi e të lidhura nyje; vuajnë, besojnë, shpresojnë dhe ëndërrojnë. Jo për një vjet, as dy e as tre, por për 10 vjet ato presin e vuajnë në të njejtën lojë, në të njëtën ditë. Një luftë për të vërtetën e dhimbjen.
Repriza e fundit që u shfaq në TKK ishte me datë 23 nëntor.
