Përdoruesit e rrjeteve sociale janë tallur me Donald Trump pasi një foto e tij pa grim dhe nxirës artificial u bë virale.
Fotoja e ish-presidentit është bërë ndërsa ai po luante golf në kursin kombëtar të golfit Trump në Bedminster, New Jersey, i cili do të presë një turne të diskutueshëm LIV të mbështetur nga Arabia Saudite të premten.
Imazhi tregon Trumpin me një këmishë të bardhë polo dhe kapele bejsbolli të kuqe ku shkruan “Make America Great Again”.
David Yankovich, një ish-kandidat demokrat në Kongres për Wisconsin, ishte një nga ata që tha se 76-vjeçari “nuk po duket mirë”, ndërsa ndante imazhin.
Të tjerë përdorën foton e Trump për të tallur ish-presidentin.
David Weissman, një veteran i ushtrisë amerikane, i njohur për faktin se nuk e mbështet më ish-presidentin, shkroi në Twitter: “Trump duket si një zombie nga Walking Dead”.
Ndërsa ndau foton, autori Jason Pargin tha: “E kam parë këtë postuar 37 herë në timeline sot dhe sapo kuptova se ishte Trump, pa grim”. /Prive.al
