Studimi më i gjerë i kryer ndonjëherë për klimaksin dhe seksualitetin zbuloi se, nga të gjitha grupet e njerëzve, femrat hetero përjetojnë më së paku orgazëm gjatë seksit – vetëm 65 për qind të rasteve.
Kjo është e dukshme sepse i njëjti studim zbuloi se gratë që nuk flenë me burra janë kryesisht të paprekura nga ky “hendek”. Lesbiket pwrjetojnw orgazwm pothuajse po aq shpesh sa djemtë heteroseksualë, të cilët kryesuan listën për kulmin më të madh, duke arritur orgazmwn 95 për qind të rasteve gjatë seksit të çiftëzuar.
Ajo që është edhe më e habitshme është se, kur jemi vetëm, ne të gjithë arrijmë në vijën e finishit brenda një harku kohor mjaft të ngjashëm. Sipas hulumtimeve, shumica prej nesh kërkojnë vetëm katër minuta për të kryer punën, pa partner.
“Është pothuajse sikur gjithçka që na është thënë se sa e ndërlikuar dhe sfiduese është kënaqësia për njerëzit me vulvë është e gabuar, dhe se, në fakt, çështja e vërtetë qëndron te burrat që janë partnerë me ta”, Nadia Bokody.
Kjo për shkak se shumë nga këta burra kanë përfituar nga të jetuarit në një kulturë që i kushtëzon gratë që ta trajtojnë seksin si një performancë dhe jo si një shkëmbim të ndërsjellë, dhe për rrjedhojë nuk kërkon që burrat të investojnë në kënaqësinë e partneres së tyre.
Kjo përforcohet përmes pornografisë, e cila kryesisht i kushtohet shikimit mashkullor dhe i përshkruan gratë si mbajtëse për ereksionet e burrave, në vend që të jenë pjesëmarrëse aktive në një akt reciprok.
Një studim i vitit 2017, i cili shqyrtoi 50 videot më të shikuara në PornHub, zbuloi se gratë u shfaqën duke arritur orgazëm vetëm 18 për qind të rasteve, ndërsa burrat në 78 për qind të kohës.
Vibratorët rrallë paraqiten në pornografinë heteroseksuale si ndihma për të ndihmuar që gratë të arrijnë kulmin.
Në realitet, vetëm një numër i vogël i grave arrijnë kulmin në këtë mënyrë.
Disa studime vlerësojnë se dy të tretat prej nesh kanë nevojë për stimulim të vazhdueshëm të klitorit – jo penetrim – në mënyrë që të arrijnë orgazëm, diçka e papranuar në edukimin seksual dhe që mungon në mënyrë rutinore në pornografi.
Megjithatë, mungesa e rrjedhjes adekuate të gjakut në organet gjenitale, e cila mund të ndikohet nga faktorë si ilaçet kundër depresionit, disa pilula kontraceptive, menopauza, sëmundjet dhe stresi kronik, mund t’i bëjnë orgazmat klitorale sfiduese.
Kjo është arsyeja pse vibratorët janë një mjet kritik për kaq shumë njerëz me vulvë – dridhja e qëndrueshme tërheq rrjedhjen e gjakut në klitorit, duke rritur gjasat e shfaqjes së kulmit. Por për shkak se gratë janë mësuar t’i japin përparësi egos së burrave rreth seksit, gjëja që mund të mbyllë hendekun e orgazmës shpesh lihet ulur në sirtarin pranë shtratit, e cila nuk përmendet kurrë.
Ky besim – që gratë duhet të arrijnë kulmin vetëm nëpërmjet një partneri mashkull – dhe për këtë arsye, nëse nuk jemi në gjendje, jemi me të meta – nuk i ka rrënjët në logjikën apo shkencën mjekësore, por në një ide thellësisht patriarkale të seksit të fokusuar në një përkufizim të brishtë të mashkulloritetit.
Në të vërtetë, nuk ka asgjë jofunksionale për të kërkuar një vibrator për tw arritur orgazmwn. Duke pasur parasysh se sa rrallë gratë hetero arrijnë fare orgazmë gjatë seksit, çdo gjë që u lejon atyre të kapërcejnë hendekun e kënaqësisë gjinore duhet të festohet, jo të turpërohet dhe të shmanget.
Deri më sot, nuk ka studime të besueshme për të treguar se përdorimi rutinë i vibratorit desensibilizon ose mpinë organet gjenitale, siç na është larë truri të besojmë (në të kundërt, ky punim i botuar në Journal of Sexual Medicine zbuloi se përdorimi i vibratorit ishte i lidhur me përmirësimin e funksionit seksual).
Kjo propagandë përjetësohet nga një konstrukt seksist që synon heqjen e të drejtës seksuale të grave. /Prive.al
