Kantautori Ed Sheeran njoftoi të dielën se ka rezultuar pozitiv me Covid-19.
“Shënim i shpejtë për t’ju thënë se fatkeqësisht kam rezultuar pozitiv për Covid, kështu që tani jam duke u izoluar dhe duke ndjekur udhëzimet e qeverisë,” tha 30-vjeçari në një deklaratë të postuar në llogarinë e tij të verifikuar në Instagram.
Lajmi vjen përpara albumit të tij të katërt të shumëpritur në studio të titulluar “=” (shqiptohet “e barabartë”) i cili do të zbulohet të premten — katër vjet pasi ai filloi ta regjistronte.
“Do të thotë që tani nuk jam në gjendje të vazhdoj me ndonjë angazhim personal tani për tani, kështu që do të bëj sa më shumë intervista/shfaqje të planifikuara që mundem nga shtëpia ime,” shtoi Sheeran në Instagram. “Kërkoj falje kujtdo që e kam zhgënjyer.”
Sheeran nuk përmendi nëse ai ishte vaksinuar në postin e tij, mirëpo këngëtari ka marrë pjesë në fushata që inkurajojnë vaksinimin. /Prive.al
