Alice Evans ka kërkuar nga gjykatat kujdestarinë e dy fëmijëve të saj me bashkëshortin e ndarë, Ioan Gruffudd.
Lëvizja vjen pasi aktori uellsian paraqiti një urdhër ndalimi kundër Evans.
Aktorja angleze, 53 vjeçe, ka kërkuar kujdestarinë fizike dhe ligjore të dy vajzave të çiftit, Ella, 12 dhe Elsie, 8 vjeçe dhe ka kërkuar që të drejtat e vizitës së fëmijëve t’i jepen Gruffudd, 48 vjeç, raporton “People”.
Evans ka kërkuar gjithashtu mbështetje bashkëshortore, që tarifat e saj të avokatit të paguhen nga ish burri dhe që gjykata të vendosë të drejtat e shtëpisë së tyre të përbashkët në Los Angeles.
Ajo përmend dallimet e papajtueshme në prishjen e martesës së tyre.
Në fillim të kësaj jave, aktori kërkoi një urdhër ndalimi kundër Evans, duke kërkuar që ajo të mos lejohej të vinte në 100 metra larg tij dhe të dashurës së tij, aktores Bianca Wallace – ose të kishte ndonjë kontakt me ta.
Gruffudd pohoi në dokumente se ajo “më tha në mënyrë të përsëritur midis gushtit 2020 dhe ndarjes sonë më 1 janar 2021 se nëse e lë atë, ajo do të bënte akuza të rreme publike për mua, do të shiste histori të rreme për mua në shtyp dhe do të më shkatërronte mua dhe karrierën time”.
“Alice kërcënoi se do t’u tregonte njerëzve se kisha abuzuar me të dhe vajzat tona,” thuhej në peticion, “kërcënoi të më thërriste policinë nëse nuk përmbushja kërkesat e saj, kërcënoi se do t’u thoshte njerëzve se jam narkoman dhe më fuste në burg, kërcënoi se do të shkruante një ditar të rremë që pasqyronte një viktimë të dhunuar dhe do ta publikonte ditarin; dhe se do të shkatërronte nënën time”.
Gruffud paraqiti kërkesë për divorc në mars të vitit 2021 pasi Evans pretendoi në janar se ai braktisi familjen e tyre.
